Below are the 4 most recent journal entries recorded in chechtlhutlh's LiveJournal:

Sunday, August 19th, 2007
11:19 pm	tlhIngan Hol leQ jan tlhIngan Hol leQ jan 'oghta' Cherry 'ej DaH tlhIngan Hol, tlhIngan ghItlh je lo'laH lo'wI'pu'. Windows, OS-X (Mac), Linux ghap lulu'chugh, Qap leQ jan. <vummeH, DaH tlhIngan Hol lulo'laH De'wI' lo'wIpu'. Qumchu' leQ janvam, tlhIngan Hol patmey je. vaj cholchuq Human tIgh, tlhIngan tIgh je.>, jatlh Stalker Zantai Subaiesh Qang. tlhIngan wo' gharwI'pu' (Klingon Imperial Diplomatic Corps) Qang ghaH. tugh romuluS Hol leQ jan, vulqan Hol leQ jan je chenmoH je. (Comment on this)
Thursday, July 26th, 2007
1:05 pm	Hegh leSSov ghaj vIghro' laH Huj ghajlaw' Oscar vIghro'. HeghbeH ropyaH SIDpu' 'e' SovDI', chaH retlhDaq Qot 'ej leS. cha'maH vaghlogh qar leSSovDaj. ropwI' wIvDI', SID qorDu' lumuvmoH ropyaH vumwI'pu'. roD Hegh qaSpu'DI' poH ngajqu'. pIjHa' Qagh. motlh ghojmoqpu', Qelpu' je Da 'ej pa'mey Suchqa'taH. 'ach HeghbeH nuv 'e' tu'DI', nuv ghoS 'ej leS. Hegh leSSovDaj qar law', ropyaH vumwI'pu' leSSovmey qar puS. (2 Comments |Comment on this)
Tuesday, July 24th, 2007
1:22 pm	ghew rur qoqHom qaStaHvIS Soch DIS, ghew qoqHom lu'ItlhmoH tejpu'. tagha' puvlaH. machqu' 'oH. wa' cheb ngI'lu'meH, 'ut 38 000 chovnatlhmey. 0,01 'uj 'aD telmey 'er'Inmey chuq. Hung jan 'oH. vengmey, che'ronmey je jIHmeH, lo'lu' net nab. Qatlhqu' 'ay'HommeyDaj mach luchenmoHlu'meH Qu'. 'ay'Hommeyvam luSIjlu'meH, 'ut machqu'bogh 'uD jo' le'. tar Hapmey tu'laH je qoqHom 'e' luHar QulwI'pu'. (2 Comments |Comment on this)
Tuesday, October 24th, 2006
8:01 pm	jIDel'egh cha'maH vagh ben jIbogh. loD jIH. reH Holmey vIparHa'taH 'ej 'op ben tlhIngan Hol vIHaDchoH. qen De'wI' tej vImoj. jIghun 'e' vIparHa' je. Duj Hung yaHvaD jIvum. qen Dujmey ghochmeH pat wIghunta' jIH, latlh nuvpu' je. jIvut 'e' vItIv. chan Sop vIparHa'qu'. (1 Comment |Comment on this)